يجيك البلاء يا غافل


أصحاب الالسن الخبيثة، الله يذاريكم و يذارينا من شرهم، ما يخليو حد في راحة. ديما يدخلو في الشقيقة و الدقيقة تقول عندهم راس مال من نشر الحكايات الفارغة. يعملو من الحبة قبة و يكفي انهم يشدو راس فتلة باش يسردولك حكاية ما يتصورهاش العقل. هالجماعة، الله يسامحهم و برّا، ما صدقو الربي قراوا خبر في وسائل الإعلام الإلكترونية حتي نقزوا عالفرصة باش يترماوا في مهاترات غريبة قالي و قتلك و شدلي نربطلك و هذا يجبد من الخابية و لاخر يحط في الطابية اسمع يالي ما سمعتش راهو المسألة يصير فيها و يصير.

قالك يا سيدي بن سيدي إلي المسألة و ما فيها هو أنو أنساب المدير العام متاع لبلاد موقفين في تهمة و من الممكن ياسر و انو ترسيلهم يعملوا سيجور في دار خالتهم. الله أعلم هالإستنساج هذا منين جبوه لكن هالجهات تحلف و أنها عندها ما يشهد علي كلامهم. ايا سيدي قالك فما قناعة عميقة و أنو الزيارة الاخيرة لسجن المرناقية إلي قام بيها المدير العام متاع البلاد ماهاشي مجانية و لا إعطباطية. الله يهلكهم العباد اش إطّلع. هلي يصطادوا فالمياه العكرة يظنوا و أنوا السيد اصر علي هالزيارة باش يتطمن علي المستقبل القريب متاع أنسابو و هذاك علاش تنقل هو بنفسو للمكان للقيام بمعاينة مرئية. انا حسب رأيي هذا أقل حاجة يمكن يعملها معا هاكالمغبونين إلي مساكن رقدو و قامو و رقاوا ارواحهم في ورطة بحيثو ولّي ينطبق عليهم عنوان برنامج المختار صحنون : وين كنّا و وين صبحنا. شبيك راهم أنسابو و ما ادراك و عادي جدا انو يتاكد بنفسو من انو المكان إلي يمكن باش ترسيلهم فيه يكون لايق و قد المقام.

المهم و انو العرف الكبير قري حساب كل كبيرة و صغيرة بحيث لا خوف علي القوم بما أنو المدير العام عمل إجتماع خذي فيه جميع الإحطياطات اللازمة. أنذر في ها الإجتماع في كيفية و سبل مقاومة ظاهرة الرسيديف و زاد قام بدرس معا خدامتو إمكانية اللجوء للعقوبات البديلة كحل للإنتفاع بخبرة و معرفة المحكوم عليه. هالإجراء ما ينجم كان يعود بالفايدة علي المجموعة الوطنية. و في هالحالة، ما بقي كان الواحد يحدد انا نوع من نشاط ذو منفعة عامة يطبقها علي هالانساب في حالة ما، الله لا يقدر، ثبتت إدانتهم. و المسامح كريم.

قبل ما نكمل مذبيّا نوجه رسالة خاصة لسي المختار و هي أنو أقل حاجة ممكنة هي طلب الإذن قبل ما الواحد يهبط علي تدوينة كاملة إستوحي منها بعض الأفكار باش يكتب مقالو. راك قاضي و ما يخرجش عليك هالشيئ.

6 commentaires:

ramzi a dit…

a ce queje sache , Rousseau, Voltaire, Kant n'ont jamais demander a personnes la permission pour copier leur écrit évidemment a condition d'y siter la source .

je trouve rien de mal qu'une personne cite tes perles dans son carnet (blogue). peut-étre une reconnaisance a votre modeste sagesse

ramzi.

Anonyme a dit…

A 2 reprises tu en veus a Y M pour ce qu'il a fait avec le post de BTB dans lequel il précise qu'il a traduit une partie, d'ailleurs BTB n'a manifesté aucune réaction au contraire il était content du passage de YM;
Quant aux frères et leur beau père, on ne peut qu'attendre mm si les jeux sont faits, tout un appareil juridique doit bien trouver une faille pour que les 2 oauvres mecs soient innocentés; après tout pourquoi doivent ils arreter mmnant qu'ils ont déja tout pris!
3aber

Takkou a dit…

Ya ramzi ya 9am9oum ou ma7lek ki tebda ton9och. El 7asilou 3omri ma kont ghzart lil maoudhou3 min ejjiha hedhi. tochker ya batal :-))))

Takkou a dit…

@ l'anonyme : tu peu(s) me passer le decodeur je n'arrive pas à capter le "message"...

Anonyme a dit…

" Elfehem yefhem"
3aber

Da7dou7a a dit…

wrabbi ki yesr9ou fransa lkolha maykalamhom 7ad!!! Iché3at!!