معشر الزبايبية يردون علي معشر الزبابرية

قبل ما ندخل في صلب الموضوع نحب نتوجه للوخيان و الأخوات إلي نفسيتهم حساسةونوجهلهم هالتنبيه إلي راهو هل المقال ينجم يجرحلهم مشاعرهم و لهذا ماذ بيهم ما يزيدوش يقدموا سطر أخر في قراءة هاذ المقال٠ أما إلي شد صحيح باش يكمل يقري ما عليه كان يتحمل مسؤليتو كيم أنا زاد باش نتحمل مسؤليتي في الكلام إلي باش نقولو٠

منذ مدة و بعض الوخيان المدونين التوانسة إلي ينتميو إلي الجالية متاعنا بالخارج و إلي يعتبرو رواحهم النخبة المنيرة ـ جاب رابي البعض موش الكل ـ قعدين يطالبو فينا نحن معشر المدونين متاع الداخل بؤمور يراوها حاجة أكيدة و ملحة٠ و بما أنه نحن ما نجموش نرفضو لجاليتنا العزيزة و الغالية طلب ما علينا كان نلبيو هالطلب الغالي طلب عالرخيص٠

هل وخيان أسرو و إلا ألحو علينا أحنا معشر المدونين متاع الداخل باش نحفلو شوية الجو و نردوه حاجة تشبه للعلاقة الموجودة بين فيراج الكليب و فيراج الترجي و إلا لتوال٠ عاد شبيه هذي حاجة حلوة و مكنة٠ هالوخيان المدونين متاع الخارج ياومو علينا نحنح معشر المدونين تاع الداخل إفراطنا في تناول المواضيع التافهة و الغير مفيدة٠ و يعيبو علينا إنخراطنا الساذج في الحملات المايعة٠ و الله أنا هذي كلمة ميوعة نسيتها ملي جرجت مالفاك أما هاي ضهرت متداولة٠ك جات من عند وخيانا إلي في الخارج ما تنجم تكوان مقبولة٠


أيا سيدي هات نشوفو يقترحو علينا إخواننا المدونين متاع الخارج٠قالك يا سيدي إلي المدونات متاعنا تفتقر إلي تناول المواضيع السياسية و أعطاو كمثال عدم إنخراطنا في حملات مهمة كيما قضية محمد عبو٠ أيا هاني أنا باش نقول رأيي في هل الموضوع٠

تعرفوشي أش كون هو محمد عبو٠ هو واحد منيك في مخو وهاو باش نفسرلكم علاش٠هاذ محام عمرو ما واحد سمع بيه من قبل ما قعد قعد و بعد بعبعص صرمو و شم يديه٠ نتحد أي واحد من المدونييقول إلي هو كان يعرف محمد عبو قبل م ينشر مقال علي إنترنات٠ بالله سي عبو هاذ أشنو إربح من هالمقال٠ حفرة في الحبس و عايلة مشردة و صغار مهملة٠ملا رمز متاع نضال و بطولية٠ ما يعرفشي هالسيد إلي قبل الحرية و الدمقراطية و و و٠٠٠ إلي عندو أولد مستحقين إلي أب موجود بحذاهم و موش لتشي قفارا ملوح في حفرة٠ بربي سامحوني سي محمد هاذ شاور أولادو قبل ما يجني علي روحو و يجني علي أولادو٠كان ما جاش منيك في مخو يعملشي عملة كيما هذية٠ و بعد من هاذ كهو ما يعرفشي يطير أش ملزو باش يتقوحب ـ إلي يعرف النكتة متاع الفيل و البابغيو يحكيها للي ما يعرفهاش ـ

من جهة أخة نحب نسإل لو كان غدوة سي عبو هاذ يخرج من الحبس ـ و هاذ شيء نتمني هولو علي خاطر أنا زاد أب و نعرف غياب وحد من الولدين أشنوا معناه ـ يا هل تري شكون ما زال باش يتذكرو و إلا يتذكر إسمو٠ بربي قلولي إلي سبقوه ي هالمجال أمثال موواعدة ـ خميس الشماري ـ المرزوقي ـ الجبالي ـ حمة الهمامي ـ أنور القوصري و غيرهم أش كون مازال يحكي بهم و إلا تضحياتهم أش جابت تره٠

قبل ما نكمل خليوني نودكم بهل التقتوقة إلي طلع واحد من الأقاطبة متع التفكير الرصين٠ في واحد من تعاليقو قالك يا سيدي إلي محمد عبو يذكرو ف البركورـ المسيرة بالعربي ـ متاع مناضل أخر كبير وإلي هو شدو رواحكم بورقيبة??? علي خاطر قالك الزوز محامين و الزوز عندهم كاريزم ـ السيد نسي ما قاللناش كان عندهم كرزة وحدة و إلا لا ـ بلله أش معناه هل الكلام بورقيبة جملة وحدة يا بو الرب ٠ قالك عندو كاريزم٠ عندو الشب مكن٠ياي أنا منيش عايش في تونس و ما في بليش و إلا أشنة الحكاية٠ توقتاش ظهر هالكاريزم متاع سي محمد عبو٠ يا ولادي فيقو نيكو من النوم راكم تخلوضو٠تبورقيبة في عز شيخوختو و في طمبك مرضو وقت إلي الباركنسونضاربة أطنابها في عروقو و المرض سارح في دمو نطق كلمتين بالسيف و ما خرجهم من فمو ان بعد ربع ساعة تلعيم و توكويك ـ توي نرجعو كيا قبل ـ هبط باهم أكثر من ثلاثة ملاين كربي في الشارع يصيحو و يعيطو بالروح بالدم نفديك يا بورقيبة٠ هذا سي عبو حرك الدم في قداش من واحد بخلاف الأربعة نبارة إلي ما يتكلمو كان في إنترنات٠ أي خليني سكت توي خير لا نزيد نخمجها