BELDI VS. GO3R


ما كنتش نضن و أنو باش يجي نهار باش نحكي علي موضوع كيما هذا. كنت نتصور و أنو الكليشيات من نوع بلدي و أفقي و ولد المدينة و القعر، بوضع ثلاثة نقط علي القاف، هي مهاترات قديمة و تجاوزتها الأحداث. لكن ضهر بالمكشوف و انو الحماقة ما زالت ضاربة اطنابها في هالبلاد و هذا شيئ ما هوش غريب إذا اقرينا بالإنحطاط و تدني المستويات إلي ولات القاسم المشترك للثقافة المتداولة في هالبلاد.

في إحد المدونات الإخيرة متاع بيغ تراب بوي فما معلق جاهل اكثر من إلي هو مجهول تصور روحو و انو عندو باع و ذراع في موضوع التبلد و التمدن و انو ثقافتو البدائية تسمحلو باش يتفقه في مواضيع هو بعيد عليها بعد السماء عل الوطي. هال الغبي إلي ظهر و أنو مطبق من النوع الركيك خيلتلو اوهامو و أنو البلديّة ، بوضع سكون علي اللام، هما سكان تونس الحاضرة. حسب مفهومو البلدي هو الإنسان الي تنطبق عليه المعايير التالية : انو يكون من سكان تونس العاصمة، انو يكون يتكلم بالقاف و انو يكون يعرف يلبس ؟؟؟

تعريفتو للبلدية الخاصة جدا طعتينا ديجا فكرة واضحة علي الثقافة الموسوعية إلي يتمتع بيها هالجدور و من جهة أخري العبارات المرزيّة الي استعملها في تعاليقو هي بدورها دليل علي تمكنو من اخلاق و شيم البلدية الي هوما من طينتو.

لها سي الشباب نحب نفسرلو بعض المفاهيم إلي ربما تخلطت في ذهنو. تونس العاصمة هي اولا عاصمة بقرار سياسي بحت و عمرها ما كانت العاصمة الابدية متاع البلاد. قبلها هي كانت القيروان و المهدية عواصم زاد. و إذا كان الوضعية بقات علي هاك الحال راهم سكان تونس ألي كيفك اليوم كانو يرقاو ارواحهم مندرجين في خانة النزوح. و من جهة أخري يكون في علمك ألي من أكبر العايلات البلديّة العريقة الي تعرفت بالجاه و النسب والي تسكن العاصمة من سنين الله هي في الحقيقة أصيلة مدن كيما صفاقس، المهدية و القيروان و منستير... أمثال، علي سبيل الذكر و لا الحسر، الملولي، الجلولي، المستيري، صفر،... و نزيدك أكثر من هذا عايلات أخري الي هي زاد تعتبر من قع الخابية و جمعت العلم و الحكمة (الرياحي، بن ضياف، بوحاجب...) تنحدر في أصلها من قري صغيرة أمثال تستور، بمبلة، بوعرادة...

و هكا البلديّة ما يكونوش حكر علي تونس الحاضرة أكهو لأنو المدن الاخري كيف بنزرت، و الكاف و باجة، و قفصة و نابل و قابس و توزر... و قري كيف العالية و طبربة و تكرونة و البقالطة و الحامة و ميدون ... و حتّي الدوّار و القصور هي زاد عندها بلديّاتها و أعيانها. و البلديّة متاع هل الأماكن هذي، بغض الطرف عن أهميتها و موقعها الجغرافي، ما يفتخروش بالقشور و الشعارات الزايفة و إنما يفتخرو بعاداتهم و تقاليدهم و إنتماءهم للارض أجدادهم الي يسكنوا فيها منذ عدة أجيال.

قبل ما نغلق الموضوع نحب نوجه رسالة شخصية للمغط الي ري في ردي علي كلامو المرزي و اني مجراب و همزتني مرافقي نقولو الي أنا من سكان الضاحية الشمالية منذ أربعة اجيال و الي عائلة أمي تملك تربتها الخاصة في الجلاز راقدين فيها أجدادي منذ خمسة اجيال نسميهم واحد واحد بنساهم و رجالهم و الي أجدادي من عائلة بابا مدفونين في سيدي عبد العزيز و باالرغم من هذا الكل عمري ما نكرت لا أصلي و لا إنتمائي لولاية من الجنوب و من الساحل و عمري ما تبهرت بأصولي لا التركية و لا المغربية و لا حتي الأندلسية يكفيني شرف و أني نحس روحي تونسي و أني نعرف من أنا سجرة جاء العرف
.

13 commentaires:

Anonyme a dit…

اش مش نقلقك وليدي على خاطر انا الف فلميا اكبر منك يرحم بوك و جدودك هك البلدي ول بلاش

24Faubourg a dit…

yarham bouk, hakka leklem walla laoua7

Big Trap Boy a dit…

Bien dit!

AntikoR a dit…

immm

و الله عمل فيكم هال "البلدي" .. تو هكّة مجرّد شخص حقير (كلامو يدلّ على ذلك) يعمل بأعمايلو في المدوّنات التونسيّة و ينجح في أنّو يوتّركم أعصابكم أو على الأقلّ يخسّرلكم أوقاتكم..

و الله لا يستحق مجرّد كلمة .. أولاد الناّس باينين ويجبروك باش تحترمهم..موش بمركزهم ز إلاّ بحومتهم و إلاّ قاعات الشاي الّي يملكوها و لا محلاّت بيع المصوغ الّي ورثوها.. و إنّما بثقافتهم الكبيرة و منطقهم الّي أحلى من العسل.. أما هال "البلدي" ما عندو كان البلادة و الركاكة و لا يمتّ للبلديّة بصلة.. لأنّ البلديّة ناس متربّين .

Anonyme a dit…

Tant que ma3endekch al 08 fi damek ça va mizelt valable pour le moment.

Takkou a dit…

@ l'anonyme : non ya ras el7am je ne peux pas etre un beldi selon tes criteres à la con. Pour toi je ne peux etre qu'un "gabsi mangeur de chien" ou un "sa7li buveur d'huile", et j'en suis fière... et en plus je ne sais situer ni Errebat, ni el Morkadh et encore moins Tronja

Marsoise a dit…

Bravo, ya3tik essa7a!
Comme toi je suis originaire de la banlieue nord depuis plusieurs générations, mais je n'ai jamais renié mes origines (notamment du sud tunisien)..Je déteste le régionalisme et kol beldi, il est avant tout beldi fi bledou..
c'est vrai que j'ai pris comme pseudo "marsoise", beaucoup iront voir dans ça une marque de régionalisme, voire du snobisme, mais loin de ça, c'est plutôt par attachement à mars, que de la marsa..

mandela a dit…

ma3neha encore une fwa etti7ou fi le meme piege wta7kiw 3la sujeet banale kima chkoun lbaldi wch ma3neha lbaldiya wchkoun lkavi we jabri...wzeb l3oud
brabi essayer deviter les sujet ly tlahi les jeunes b7keyet tefha whouma kima n9oulou fil 5ra lil krouma...edharb wsel lbeb eddar wa7na net3arkou za3ma lmleyka dhkoura wala enethy...

Anonyme a dit…

@mandela:
Pardon, tu crois ke le sujet d'identite est banale? Tu veux ke tout le monde ychiddou leur blogs we yebdaw ysibbou fi Z.A.B.A?
Aya sidi, imagine demain Z.A.B.A ymout par crise cardiaque, kifech bech no7kmouha libled itha n3addiw wa9tna il kol we na7na nibkiw we nsibbou fi Z.A.B.A?
@takkou:
Encore un joli post! Et de ma part je veux crier a tous ces debiles et dire: Je suis Jlassi et j'en suis FIER!

mandela a dit…

@tunisien
tawa haka...jab rabbi tounsi wsabbatek tounsi...illy yne9chou fih 3omrou ma ken sur the identity hedha ya baba regionalisme pur. wregionalisme min at3ess achkal ettamyiz...et ça na rien a voir avec lidentité

Anonyme a dit…

Bonsoir Takkou, mabrouk le nouveau loock,
Hors sujet: je t'ai tagué pour portrait chinois
Lien: http://khilwelil.blogspot.com/2008/05/blog-post.html

Anonyme a dit…

H.S: ta demande de légende c'est fait!

Anonyme a dit…

اللا علاقة::))
ياسر حلوة الكسوة الجديدة والصورة ايضا مبروك